"Manchala Dil"

Suna tha pyaar hai khuda ka nayaab tohfa,
Har kisi ko karna chahiye agar mile mauka!
Hum par bhi ki thi khuda ne reham ek bar,
Mila tha humein bhi ek haseen shaks ka pyaar!
Soch rahe the chodh jayenge duniya uski khushi k liye,
Par usi ne chodh diya humein duniya k liye!!

Dil toota jab pyaar ne hi chodh diya sath,
Samjh liya isey bhi uss parvadigaar ka farmaan,
Chodh diya pyaar ki khushi k liye humne bhi pyaar,
Aur badh diye aagey bina rakhey dil me koi armaan!!

Jeeney lagey apni zindagi khushi sey,
Dost banayein, ghumey firey, imaandari se kiye sab kaam,
Chal rahe they bas ek bharosey se,
Koi to kahin hoga, jo karta hoga humara bhi intezaar!!

Pakad li thi zindagi ne apni raftaar,
Tabhi hui ek haseen takraar aur tham gayi zindagi ki raftaar!
Bholi surat, pyaari seerat aur aati manmohak aks,
Samjh na paye ki jiska tha intezaar kya wohi tha yeh shaks!!

"Do Parindey"

Do parindon ki hai yeh kahani,
Zindagi thi jinki bahut rumani,
Samajh rahe they isey kudarat ki haseen manmani!

Seekha kisi aur se pankh fela kar udana,
Jab pankh katey to seekha aasman se girna!

Tadaptey huye aa girey zameen par,
Soch rahe they koi sahara de gar,
Choom lengey uskey pavan hath,
jeevan bhar na chodhengey uska sath!

Sabne unke prati apni vyatha dikhayi,
Par kisine unhe uthaney ki himmat na jutayi!
Din beetey, beetey mahine par koi na aya,
Phir ek din uthey aur khud ek naya raasta banaya!

Chal rahe they akele bina kisi chah ke,
Miley ek din dono achanak mod par kisi rah ke!
Nazarein milee, pankh miley, udhaney ka man huya phir aasman mein,
Dono ney socha kya yahi hai vo sahara, jisey dhoonda sarey jahaan mein!

Phool khiley, hawa mehaki, mausam huya khushgwaar,
Parindey udhey, mano jaise roz ho basant ka tyohaar!
Na koi darr, na phikr, na manga kisi aur ka sath,
Bas ek hi duya dono ne ki,
                  Rahe humesha sath patjhadh ho ya ho barsaat!!

Vada kiya dono ne ek chota aashiyana banayengey,
Tinka tinka karke usey pyaar se sajayengey!

Do parindon ki hai yeh kahani,
Jinki zindagi huyi rumani,
Jab kudarat ney phir shuru ki haseen manmani!!